„ექსტრაკურიკულური აქტივობების განვითარების ხელშეწყობის“ ფარგლებში

„ექსტრაკურიკულური აქტივობების განვითარების ხელშეწყობის“ ფარგლებში, გამარჯვებული პროექტის ,,ევროპის მეგზური“ პირველი სამუშაო დღეს ჩატარებული ტრენინგი/სემინარის მიზანი იყო გაერთიანებული ევროპის იდეისა და ევროკავშირის ღირებულებების შესახებ მონაწილეთა ცოდნის გაზრდა, საქართველო-ევროკავშირის ურთიერთობების მნიშვნელოვანი მოვლენების მიმოხილვა და იმ ძირითადი შესაძლებლობების გაცნობა, რომელიც ევროკავშირთან ასოცირებას ახლავს თან. ღონისძიების ფარგლებში, მონაწილეებმა მიიღეს ინფორმაცია საქართველო-ევროკავშირის ასოცირების შესახებ შეთანხმების მნიშვნელობაზე, უვიზო მიმოსვლასა და ცირკულარული მიგრაციის სქემებზე. გაზიარებული ინფორმაცია მონაწილეებს საშუალებას მისცემთ, რომ სათანადოდ გაიაზრონ არსებული შესაძლებლობები და დაგეგმონ მონაწილეობა ევროკავშირის ჩარჩო პროგრამებსა თუ ინიციატივებში.
ტრენინგის ფასილიტატორი- ივანე ჯავახიშვილის სახელობის თბილისის სახელმწიფო უნუვერსიტეტის ლექტორი, საქართველოს საგარეო საქმეთა სამინისტროს თანამშრომელი მარიამ ქებურია.